¿Qué é?

Os Puntos de Atención á infancia (PAI) son aqueles establecementos encadrados nos servizos sociais dos concellos que teñen como finalidade prestar unha atención de apoio aos pais, titores ou gardadores dos nenos de 0-3 anos cando concorran situacións ou circunstancias que lles impidan o seu coidado. Ademais atenderán aqueles casos que respondan a  necesidades puntuais.

                                               Instalacións do punto de atención infantil (PAI)

 ¿Qué servizos ofrece?

O obxecto destes puntos é a prestación dunha atención asistencial en concellos que pola súa baixa poboación infantil ou outras circunstancias económico-sociais, precisen prazas para a atención do colectivo de nenos entre 0 e 3 anos. Concíbense pois como un instrumento de desenvolvemento rural, polo que se priorizará a autorización en concellos con menos de 5.000 habitantes. En concellos con maior poboación a autorización estará vinculada á necesidade de novas prazas de atención e á súa complementariedade coas ofertadas polas Escolas de Educación Infantil 0-3.

O persoal:

O cadro de persoal do P.A.I do Concello de Sandiás está composto por unha mestra de educación infantil e unha coidadora.

Horario:

O horario previsto inicialmente será dende as 9.00 ata as 13.30 horas de luns a venres, e de 15,30 a 19,30, excepto festivos. Este horario é adaptable a medida das necesidades das persoas que precisen o seu servizo.

                                           Instalacións do PAI no colexio público de Sandiás

¿Cal é a documentación necesaria para a preinscripción?

- 4 fotos (Tamaño carnet).
- Fotocopia Tarxeta Sanitaria do neno.
- Fotocopia do Libro de Vacinas.
- Certificado médico no caso de que o neno padeza algunha enfermidade (Alerxias, minusvalía, discapacidade...)
- Fotocopia do Libro de Familia.
- Certificado de Empadroamento Familiar.
- Fotocopia dos DNI da unidade familiar.

Relación de material mínimo esixido

Cueiros, toalliñas, comida (incluído cubertos propios), unha muda completa, mandilón (se o considera necesario), auga, babeiros, pañuelos de papel, pantuflas, xoguetes (opcional, no caso de que se traian deberán vir co nome do neno), biberón, chupete.

                                  Instalacións do Punto de Atención Infantil (PAI)

IMPRESOS

Solicitude

Administración Medicamentos

Autorización recollida do neno/a