No marco do Verán e Outono Culturais 2021, o Concello de Sandiás vén de programar a exposición de 25 láminas de Manuel Traveso de Vilariño das Poldras coa técnica da pluma estilográfica.
A exposición divídese en tres series (os viziños, os paseios e os labores) relacionadas directamente con tres conceptos (o agarimo, a beleza e a vontade) que pretenden agrupar os motivos que inspiraron ao autor a retratar un mundo intimista, próximo e cotián dunha realidade xa vivida e que non volverá.