O xoves día 5 de novembro a décimo quinta etapa da volta percorrerá a maior parte do seu traxecto dentro da provincia de Ourense. Trátase dunha etapa de media montaña con 230,8 km, que dentro da provincia de Ourense percorre os concellos de Padrenda, Quintela de Leirado, Verea, Celanova, A Bola, Rairíz de Veiga, Vilar de Santos, Xinzo de Limia, Trasmiras, Cualedro, Monterrei, Verín, Vilardevós, Riós, A Gudiña, A Mezquita e Sandiás. En concreto, no que atinxe ao concello de Sandiás, a volta pasará pola carretera de Celanova percorrendo o tramo en Vilariño das Poldras e Xinzo de Limia.
Cento cincuenta efectivos de Protección Civil velarán polo cumprimento do plan de seguridade establecido pola organización. Con motivo da situación sanitaria provocada pola Covid-19, recoméndase á veciñanza que para salvaguardar a saúde, manteñan a distancia de seguridade, o uso da mascariña e evitar aglomeracións.
