Aquí tedes o álbum de fotos da festa do pasado luns 1 de xullo pola tarde en Sandiás. Cerimonia de graduación da Promoción 2021-2024 no Punto de Atención á Infancia (PAI) de Sandiás. Emotivo e bonito día de graduación para os nenos e nenas que finalizaron a súa etapa no PAI, con desfile infantil, contacontos, entrega de traballos e premios, entrega de estolas e diplomas aos graduados polo Alcalde Felipe Traveso e agradecementos dos pais e nais aos educadores. Todo coa atenta e entusiasta mirada das familias e educadores.
Destacou tamén o vídeo que resumiu as aprendizaxes, sentimentos e emocións deses anos que provocaron emocións moi sentidas de Cristina, Coordinadora do PAI e no Equipo Educativo que a acompaña na tarefa educativa diaria. Concluíu o acto cunha gran festa con música, moitas risas, revolcóns nos inchables e unha magnífica merenda. De momento, vacacións merecidas.
Á volta, comezar outra aventura.
