O Concello de Sandiás organiza este sábado, 18 de xullo, unha nova sesión de cine de verán coa proxección da película Rondallas, unha comedia dramática, nunha actividade aberta ao público que terá lugar ao carón da Casa de Cultura, ás 21.00 h. A iniciativa enmárcase na programación cultural e busca achegar o cinema a todos os públicos.
Dirixida por Daniel Sánchez Arévalo e protagonizada por un elenco de recoñecidos actores galegos como María Vázquez, Javier Gutiérrez e Tamar Novas, Rondallas arranca na Guarda dous anos despois do tráxico naufraxio dun barco pesqueiro. Os habitantes da vila deciden que xa é hora de recuperar a ilusión e deixar o loito atrás. Para iso volven unirse para poñer en marcha a rondalla, unha agrupación musical tradicional na que participan desde nenos ata persoas maiores, coa intención de competir nun concurso contra os pobos veciños e, sobre todo, de empezar a mirar cara adiante de novo.
Rodada en varias localidades da provincia de Pontevedra, como A Guarda, Tui, Baiona, Oia e Vigo, a película pon en valor a cultura das rondallas galegas e ofrece unha historia sobre a comunidade, o duelo e a tradición, cun marcado compoñente emocional e musical.
📅 Día: Sábado, 18 de xullo
🕘 Hora: 21.00 h
📍 Lugar: Ao carón da Casa de Cultura de Sandiás
Unha proposta cultural aberta a toda a veciñanza para gozar do mellor cinema polo verán