Cristovo e os seus compañeiros fixeron unha interpretación maxistral moi divertida e da que gozaron moito as 25 persoas ás que lles agradecemos a participación tan activa como público. Concretamente, Cristovo desenvolveu un traballo moi especial, fixo de “censor de monstros”. Levaba consigo un caderno onde apuntaba todos os monstros de Galicia.
Pouco a pouco descubrimos os seres fantásticos que habitan nas diferentes provincias galegas. Cristovo comenzou a censar na ría de Vigo, a Coca de Redondela, moi faladeira ela. De Redondela, simulando con todo o público as curvas, os túneles, as subidas e as baixadas, chegamos en coche a visitar Verín e así poder censar O Meco.
No camiño á Mariña Lucense, atopámonos co Lobishome de Bilbao que estaba a buscar os seus parentes e dándolle unhas palmadas fíxolle dano nas costas a Cristovo.
En Lugo, Cristovo censou A Maruxaina, que ten cola de peixe e din dela que entretén aos barcos para que se estrelen contra as rochas da costa, aínda que iso non é exactamente así. A Maruxaina cántalles para que os barcos vexan as rochas e se aparten delas. Coa Maruñaina os nenos e nenas repasaron as notas musicais.
Por último, o coche de Cristovo parou na Carballeira de San Fiz, na provincia de A Coruña. Unha zona chea de carballos pero un deles moi especial xa que é milagroso. Cristovo, dando noves voltas ao redor del e tendo coidado en non romperlle as ramas, curouse da dor de costas.
