A Casa Reitoral de San Xoán de Piñeira de Arcos é unha das tipoloxías tradicionais de vivenda rural, destinada á residencia do crego que atendía a parroquia.
A súa orixe sitúase entre os séculos XVII e XVIII, podendo observarse a data de 1790 en diferentes puntos do edificio. Trátase dunha das reitorais máis representativas da comarca da Limia, vinculada historicamente ás casas grandes e aos pazos.
A Casa Reitoral de San Xoán de Piñeira de Arcos é unha das tipoloxías tradicionais de vivenda rural, destinada á residencia do crego que atendía a parroquia.
A súa orixe sitúase entre os séculos XVII e XVIII, podendo observarse a data de 1790 en diferentes puntos do edificio. Trátase dunha das reitorais máis representativas da comarca da Limia, vinculada historicamente ás casas grandes e aos pazos.
A reitoral configúrase como un conxunto arquitectónico de gran volume, construído principalmente en granito no exterior e madeira no interior.
Na planta baixa situábanse as dependencias de almacenaxe, mentres que no primeiro andar estaban as estancias domésticas: cociña, salón, dormitorios, despacho parroquial e arquivo.
Co paso do tempo, o edificio sufriu diversas modificacións, como a mestura de materiais ou a incorporación dun pórtico recente alleo ao estilo orixinal.
Tamén se conservan elementos singulares como un sartego no patio traseiro.
Na actualidade, debido aos cambios sociais e á diminución do número de cregos, a reitoral perdeu a súa función e atópase en estado de ruína total. A propiedade pertence á Igrexa.
Queres ler máis sobre a historia?
Nos anos noventa realizouse un inventario das casas reitorais de Galicia por parte da Consellería de Cultura e a Escola Técnica Superior de Arquitectura da Coruña, e en 2008 púxose en marcha un plan para a súa recuperación, que quedou paralizado posteriormente.
Ademais, nesta reitoral pasou os seus últimos anos o crego D. Eladio Blanco Vila, figura recordada na tradición oral local.
Contacta co Concello para comunicar os teus comentarios, dúbidas ou suxerencias.
