O edificio, de planta baixa e un andar, estaba construído combinando cachotería e perpiaño. Na súa configuración orixinal presentaba unha planta en forma de “U”, cun amplo corredor no primeiro andar apoiado en columnas de pedra, das que aínda se conservan algúns elementos.
Destacan tamén elementos como portalóns alintelados, diferentes tipos de ocos (fiestras, portas de aire e bufardas) e dúas chemineas cadradas rematadas con pináculos. A cuberta presenta variedade de materiais, como tella romana e francesa.
Segundo testemuños, a casa contaba con escudos nobiliarios que foron vendidos no século pasado. No seu entorno, existía ademais unha capela dedicada a Santo Tomé, situada nun souto próximo vinculado á propiedade.
Queres ler máis sobre a historia?
Contacta co Concello para comunicar os teus comentarios, dúbidas ou suxerencias.