As fontes, como a emblemática Fonte dos Canos, foron fundamentais para o abastecemento de auga potable. Construídas con pedra e situadas en puntos estratéxicos, tamén cumprían unha función social, pois eran lugares de encontro e conversa entre veciños.
Trátase de construcións escavadas a man que permiten acceder á auga subterránea mediante chanzos de pedra. Están adaptados ao terreo e ao nivel freático, e permiten recoller auga durante todo o ano. Son un exemplo de enxeñaría tradicional e aproveitamento sostible dos recursos naturais.
Situados ao aire libre ou con cubertas parciais, os lavadoiros recollían auga de mananciais ou regatos. Alí realizábanse tarefas domésticas como lavar a roupa ou preparar os produtos das matanzas. Eran espazos de traballo colectivo, relación social e transmisión cultural, especialmente entre as mulleres.
En tempos de seca, os veciños descendían polos pozos escaleira con candís de aceite ou fachos para iluminar o camiño ata a auga. Hoxe aínda se poden ver as marcas do uso nas paredes de pedra.
Contacta co Concello para comunicar os teus comentarios, dúbidas ou suxerencias.
