Tradicións é tamén aprender a querer o noso no pai de sandiás

O venres 13, no PAI, vivimos unha xornada moi especial para celebrar o Magosto 2026, unha festa chea de tradición, convivencia e aprendizaxe.

Pequenos e maiores compartimos un día no que as tradicións se viven, se experimentan e se transmiten de xeración en xeración. Acompañados polas profes do PAI e por Benigno, do Concello, os nenos e nenas puideron descubrir que aprender tamén significa xogar, compartir, traballar en equipo e gozar xuntos.

 

A xornada estivo chea de actividades: xogos de fútbol, carreiras de motos, bicicletas e coches, inchable e, por suposto, moita música e diversión.

 

Foi tamén unha oportunidade para fortalecer os vínculos entre as familias, os pequenos e a escola, creando momentos de convivencia que quedan na memoria e que axudan a medrar en comunidade. E para repoñer forzas, non faltou unha deliciosa merendola de Magosto, con produtos que nos conectan coa nosa gastronomía e coas tradicións da nosa terra: empanada, boliños preñados, compota de mazá, chouriciños doces, galletas de castaña, bica e chocolate.

 

Porque dende pequeniños aprendemos a coñecer, valorar e conservar a nosa cultura. E facelo en familia, xogando e compartindo, fai que esa aprendizaxe sexa aínda máis especial.

 

Grazas a todas as persoas que fixeron posible esta fermosa xornada de tradición, aprendizaxe, convivencia e diversión.

 

Que nunca se perdan as tradicións que nos unen!

Feliz Magosto 2026!

Buscar
En qué podemos axudarte?

Estamos á túa disposición. Para calquera dúbida, comentario ou suxerencia, non dubides en contactar co persoal do Concello.

Resumo de privacidade

Utilizamos cookies propias e de terceiros con fins puramente estatísticos, para poder ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.

Se queres saber máis acerca das cookies que utilizamos e o seu funcionamento, convidámosche a que lle botes unha ollada á nosa política de privacidade.