Na mañá do 13 de Agosto tivemos unha visita especial: a das rapazas e rapaces do Campamento de Verán “Concilia 2020 pola Igualdade”, celebrado no CEIP de Sandiás. Fixeron varias actividades por turnos debido á limitación de aforo: funcionamento dunha biblioteca, espazo e tempo de lectura e contacto coas novas tecnoloxías. Nestas actividades estiveron guiados polos animadores e o guía da biblioteca municipal, Alex De los Ríos.
Recórdase que a Biblioteca estará aberta ata o 9 de outubro, de martes a sábado e de 10.00 horas a 13.00 horas. Segue un estricto protocolo sanitario: aforo limitado (máximo de 5 persoas por grupo), máscara obrigatoria, xel desinfectante na entrada e na saída, distancia social e desinfección periódica.