A xornada do mércores 5 de agosto do Campus Arco desenvolveuse nas pistas deportivas da aldea de Couso de Limia, no Concello de Sandiás.
Este ano levouse a cabo unha nova modalidade de 3×3 de baloncesto, e houbo unha comida na carballeira ao carón das instalacións deportivas, ademais dunha xornada de convivencia.
Tamén se desenvolveron ensaios da coreografía que se porá en práctica ao final do campus e unha velada con diversidade de cantos.
Finalmente, o alcalde, Felipe Traveso, no nome do Concello de Sandiás, dirixiu unhas breves palabras e fixo entrega de premios aos deportistas e ao equipo organizador.
