Trátase da actuación de Caxoto, un contador de contos vellos con novas influencias. Levouse a cabo o venres, 11 de setembro as 20:30 horas no polideportivo do Ceips de Sandiás. Foi un acto de contos para toda a familia.
Narración natural, fluída, espontánea e imaxinativa de contos, neste caso, esplendidamente improvisada para adultos. O Caxoto existe grazas á súa avóa que lle cantaba cantigas e contos como os da Eviña que quedou para vestir santos, a Eviña e as moscas que tornaron en moscos ou a historia do emigrante Hipólito.
Con esta actuación do Caxoto para a familia, cerrouse o Verán Cultural 2020. Grazas a todos os veciños, veciñas e visitantes por participar nos eventos entre o mes de Xullo e o mes de Setembro.