Hoxe, xoves 29 de outubro, desenvolvéronse labores de desinfección manual por parte dos operarios do Concello, feita con hipoclorito disolto en auga actuando de xeito directo sobre o chan, beirarrúas e estruturas varias de cada un dos cemiterios das parroquias de Piñeira de Arcos, Couso de Limia e Sandiás.
Da misma maneira, continuose coa desinfección diaria e sistemática do Centro de Saúde mediante un equipo de ozono clínico. Tamén se colocaron paneis informativos coas normas de prevención e xel hidroalcohólico a disposición de todos os veciños e veciñas.
O alcalde fixo unha chamada a responsabilidade da veciñanza no cumprimento das normas, tamén nos cemiterios, xa que será fundamental para frear a propagación do virus e garantir a máxima seguridade posible.
