O pasado venres actuou na Casa da Cultura en Sandiás o cómico gaditano Miki Dkai, humorista e comediante coñecido polas súas participacións no Club da Comedia e Comedy Central. Grazas aos 30 veciños e veciñas que participaron no acto e que seguro o gozaron moitísimo.
Nesta ocasión tróuxonos a Sandiás un espectáculo cómico ao redor dun percorrido do confinamento vivido no día a día coa familia, as redes sociais, a rutina das series e películas, os paseos, o comportamento dos políticos e sobre como cambiaron os tempos desde a infancia. Desde a “permisiva” educación dos nenos de hoxe en día á obsesión dos millennials pola tecnoloxía, pasando polas dietas, as modas, as mulleres, os homes, a educación dos nenos antes e agora… E moito máis!
Pasou revista a todos os temas de actualidade baseados en feitos reais cun humor directo satírico, con salero e desenvoltura, xogando coas esaxeracións pero cun humor amable e buscanso sempre a complicidade e as gargalladas do seu público.
