Estreamos a exposición didáctica “Sin biodiversidade non hai vida” no Centro de Interpretación da Lagoa de Antela na semana do 14 ao 27 de Novembro. O estreno foi protagonizado por trinta nen@s de infantil e primaria do C.E.I.P. de Sandiás acompañad@s dos seus educadores.
As rapazas e rapaces foron guiados polos dez paneis da exposición destacando as ideas máis importantes. Nalgúns momentos, reunidos en grupos, fixeron actividades prácticas relacionadas coa biodiversidade, os hábitat dos animais e das plantas, a contaminación e a biodiversidade perdida na desecación da Lagoa de Antela.
A exposición estivo organizada por Ecoloxistas en Acción-Ourense e o Colectivo Amigos de las Cigüeñas-Ciconia coa colaboración do Concello de Sandiás nas visitas guiadas. Ambos colectivos traballan na educación ambiental como elemento clave para o futuro do planeta e da vida.
A exposición está formada por 10 grandes paneis que explican a importancia da biodiversidade, cales son as principais causas directas e indirectas da súa progresiva desaparición e que podemos facer para conseguir a súa conservación. Xunto coa crise climática é a principal ameaza para a vida no planeta terra.
A visita á exposición pódese levar a cabo con previa cita, chamando ao teléfono do concello: 988 46 50 01.
