Co gallo da presentación en público do libro O instinto de Alazán, o verinés Edelmiro Luís Mateo García, fará unha exposición falada, mesturada con música interpretada polo propio autor do contido da súa novela.
A Casa da Cultura de Sandiás será o escenario no que se levará a cabo o acto literario que terá lugar o venres 26 de agosto ás 21:00.
Empregando como pretexto a narración de dúas peregrinacións en sentido inverso (de Verín a Santiago e de Santiago a Verín), o autor retrata a Galiza raiana e mesmo a Galiza Xacobea. Con dúas personaxes colectivas (Verín entroideiro) e o Santiago de Compostela (Xacobeo e turístico) xunto cos símbolos que constitúen a identidade dun pobo e un eloxio apaixonado da tradición pechan este precioso relato a cabalo da memoria a historia e a fantasía.
Dedicado aos Cigarróns de Verín, a esencia do libro resúmese nestas tres palabras: cigarróns, tradición e Galicia.
Os e as asistentes poderán adquirir un exemplar do libro na mesma Casa de Cultura de Sandiás.