O “Concilia Verán 2020” foi unha fermosa oportunidade para socializar nun contexto de post-illamento e incertidume; unha plataforma para potenciar o ocio activo, saudable e non violento e unha axuda máis na conciliación familiar, tan necesaria nestes intres.
Ao longo de tres meses, houbo unha chea de actividades educativas e creativas: obradoiro de manualidades, paracaídas, día da auga, xogos deportivos, caixa de retos, xogos populares cooperativos, creatividade coa globoflexia, obradoiro sobre a vida das abellas, excursión á Torre do Castro, visita guiada a Casa da Lagoa e Biblioteca Municipal, patinaxe, excursión o San Benito de Ouceira, contacontos con Anxo Moure, obradoiro de grafitti, obradoiro de chapas, fabrficación de Slime, disfraces, entrega de premios do campamento, tinguido de camisetas da igualdade, tatuaxes, festa final, etc.
Grazas aos rapaces e rapazas participantes e protagonistas e ás familias pola súa confianza. Á entidade xestora, Atelier Social, grazas pola súa competencia e cercanía na persoa de Rubén e nas estupendas animadoras Carla Gómez e Aida María Rodríguez.