Un grupo de persoas de diferentes localidades realizarán unha visita guiada o 24 de outubro á fermosa Igrexa de Santo Estevo no Concello de Sandiás, no contexto da celebración do V Centenario da Igrexa. A visita estará conformada por unha ruta arqueolóxica de mañá por Santa Mariña de augas Santas en Allariz e pola tarde unha histórico-artística polo Románico da Limia e o Tardogótico de Sandiás.
A visita está organizada polo Concello de Sandiás e a Parroquia e dirixida por Xeitura Cooperativa, grazas a unha subvención da Axencia Galega de Turismo. A visita da tarde dura case unha hora e media e pasarase revista de maneira particular ás portas manuelinas de entrada, á torre da igrexa cos arcos apuntados e ao famoso retablo do interior do importante escultor Francisco de Moure.
Finalmente, a visita foi adiada por mor da actividade sanitaria actual.