Horse Miño na aldea das Pegas (Sandiás) é un lugar diferente para gozar ao aire libre, rodeado de natureza e animais, piscina, zona de xogos e lago e sobre todo, rodeados da maxia dos equinos.
Un paseo pola aldea das Pegas para ir ao prado onde estaban pacendo as ovellas e as cabras, a visita aos cabalos onde os nenos e nenas déronlles mazás cortadas, merenda no prado rodeado de cabalos, xogos na zona de area, tobogán, randeeiras, cama elástica e visita ao pequeno lago para ver os patos e pescar e outras moitas cousas.
Unha tarde moi divertida onde os pequenos como esponxas empapáronse de multitude de experiencias enriquecedoras para as súas vidas.
