O pasado sábado celebrouse no Concello de Xunqueira de Espadañedo o curso de formación para voluntarios e voluntarias de Protección Civil «Busca de persoas desaparecidas».
Os obxectivos que trataron de acadar os participantes no curso son os seguintes:
- Coñecemento do marco legal
- Investigación das Forzas e Corpos de Seguridade do Estado
- Utilización de cans de venteo e rastro
- Organización do voluntariado de protección civil.
- Utilización de drons e novas tecnoloxías na procura de persoas desaparecidas.
No curso dirixido a persoal voluntario de Protección Civil participou Fernando Gándara Gándara do noso concello, que se formou con grandes profesionais e moderna tecnoloxía. Este curso forma parte da formación descentralizada da Academia Galega de Seguridade Pública – AGASP a través do servizo de emerxencias de Ourense.
Dende o concello apostamos firmemente pola formación para dar o mellor servizo aos veciñ@s a través dos voluntarios da nosa Agrupación de Protección Civil.
