O 12 de Outubro, a Guía Oficial de Xeitura Cooperativa, realizaba a segunda das visitas guiadas á Igrexa de Santo Estevo de Sandiás, promovidas polo concello en colaboración coa parroquia e subvencionadas pola Axencia Galega de Turismo.
Foron protagonistas un grupo de visitantes que proviñan de Xunqueira de Ambía, Allariz e Sarreaus que puideron comprobar como o rural tamén atesoura un rico patrimonio que, moitas veces, conxuga a arte coa relixiosidade. É o caso do belo conxunto que forman en Sandiás a igrexa de Santo Estevo, a Rectoral e o antigo Cruceiro, preto do Camiño Real, do Camiño de Peregrinación a Santiago de Compostela e ao carón da Vía Nova XVIII.
A ruta histórico-artística e arqueolóxica continuaba por San Salvador dos Penedos, Santa Mariña de Augas Santas e Armea.
