O vindeiro 3 de abril, a campaña institucional #GaliciaSabeAmar, impulsada pola Xunta de Galicia e cofinanciada pola Unión Europea, fará parada no CEIP Sandiás, en horario de 11:30 a 13:00 h.
Trátase dunha iniciativa que promove o consumo de produtos do mar galegos, destacando o seu valor nutricional, a calidade e o esforzo dos profesionais da pesca e do marisqueo. A través dunha proposta divulgativa e gastronómica, os asistentes poderán degustar petiscos elaborados con produtos certificados do mar e da terra, achegando así o sabor das nosas rías a toda a cidadanía.
Unha oportunidade para seguir apoiando o sector marítimo-pesqueiro e para poñer en valor os recursos que Galicia ofrece.