Desde o Concello de Sandiás temos o placer de informarche sobre o conxunto de actividades que coordinamos con motivo da conmemoración do 25 N, Día Internacional da eliminación da Violencia contra a Muller.
Os actos co alumnado de Primaria do leváronse a cabo o luns, 25 de novembro no salón de Actos da Casa de Cultura do Concello de Sandiás para o alumnado de Primaria do CEIP de Sandiás, representantes do Concello de Sandiás e veciños e veciñas que quixeron acudir.
- Lectura do Manifesto Institucional contra a Violencia de Xénero
- Recordatorio pedagóxico dos murais que sobre este tema hai no concello. O de Piñeira de Arcos co título de «Sandiás pola igualdade», o das bancadas na aldea de Sandiás, co título de «Nin unha menos» e o do edificio da antiga Cruz Vermella que leva a mensaxe de «compañeiro» e «compañeira».
- Ambientación con carteis en contra da violencia contra a muller e bolsa colgante.
- Visionado da película “20.000 especies de abejas”.
- Por último fíxose entrega dunha bolsa coas palabras “compañeiro” e “compañeira. En días posteriores farase entrega tamén dun suadoiro de cor malva.
Os actos co alumnado do Punto de Atención Infantil (PAI) e da etapa de Infantil do CEIP de Sandiás desenvolvéronse tamén o 25 de novembro ás 12.00 h. e consistiron nunha I Andaina Conmemorativa do 25N nun percorrido ao redor do PAI e do CEIP de Sandiás no que participaron tamén os educadores e familiares dos nenos e nenas. Fixeron unha pulseira e os educadores compartiron con elas e eles un pequeniño conto dos Bolechas con viñetas. Unha delas dicía “Todos somos iguais e temos que aprender a querernos, respetarnos e coidarnos uns a outros por igual xa dende a infancia”
Con motivo da conmemoración deste día reiteramos o noso absoluto rexeitamento a calquera forma de violencia psicolóxica, física ou sexual, exercida contra a muller. Tamén coas mulleres e menores asesinados e orfos a consecuenca da violencia de xénero.
