Nesta intervención de mellora fruto das aportacións do Plan Provincial de Cooperación da Deputación de Ourense (CooperOU), cun presuposto de 55. 642, 70 Euros, contemplouse a intervención sobre unha vía asfaltada preto do núcleo de Piñeria de Arcos nas inmediación da aldea de Arcos, vía preto do núcleo de Zadagós, pista dende as inmediación da Lavandeira cara a vía denominada Estrada de Piñeira de Arcos a Lagoa de Antela, pista dende as inmediacións do núcleo de Cardeita ata o Campo das Poulas e pistas que conectan Cardeita coa Lagoa de Antela. A empresa adxudicataria das obras foi Proyectos y Contratas Covelo S.L.
Nas zonas anteriormente citadas leváronse a cabo desbroces e retirada de vexetación herbácea, limpeza de foxos con motoniveladora, escarificado, refino e planeo de camiño e base de zahora artificial.
Mediante as obras proxectadas, o Concello de Sandiás pretende seguir mantendo a liña que lle caracterizou nos últimos anos no seu empeño de dotar aos núcleos do municipio do mantemento e renovación de infraestruturas básicas, logrando o aumento da calidade de vida dos seus habitantes e a mellora das condicións medio-ambientais dos devanditos núcleos rurais.
