Anuncios de axudas e subvencións concedidas ao Concello de Sandiás: Risga, Aprol Rural, Cultura no Camiño e limpeza das marxes das redes viarias municipais

O Concello de Sandiás vén de recibir diferentes axudas e subvencións, que se expoñen a continuación:

• A Deputación Provincial de Ourense concedeu ao Concello de Sandiás, ao abeiro das bases reguladoras do Programa Provincial de Cooperación cos Concellos e Mancomunidades para a realización de actuacións de limpeza das marxes das redes viarias municipal e provincial para o exercicio 2021, publicadas no Boletín Provincial do 17 de decembro de 2020, unha axuda por importe 4500 €.
  
  
• A Xunta de Galicia, ao abeiro da orde do 12 de abril de 2021, pola que se establecen as bases reguladoras para a concesión de subvencións dirixidas a entidades locais para a contratación temporal de persoas en risco ou exclusión social perceptoras da Renda de Integración Social de Galicia (Risga), concedeu unha axuda ao Concello de Sandiás para a contratación de dous peóns por importe de 20618,28 €.
  
  
• A Xunta de Galicia, ao abeiro da orde do 12 de abril de 2021, pola que se establecen as bases que regulan as axudas e subvencións para o fomento do emprego no medio rural (Aprol Rural), concedeu unha axuda ao Concello de Sandiás para a contratación de tres peóns forestais por importe de 41236,56 €.
  
  
• A Axencia Galega de Industrias Culturais concedeu ao Concello de Sandiás un importe de 6000 € de axuda para o fomento de artes escénicas e musicais con motivo do Xacobeo 2021-2022: Cultura no Camiño.