Comunícase a tódolos veciños, que no DOG do día 20 de outubro se publicou Resolución para a concesión de axudas do programa Descubre Galicia en Outono a través dos bonos turísticos.
Para a obtención dos bonos, cada persoa usuaria deberá darse de alta na web www.bonoturismo.gal indicando a seguinte información:
a) Nome e apelidos.
b) Maioría de idade.
c) DNI ou NIE
d) Localidade de residencia (código postal).
e) Número de teléfono móbil.
f) Correo electrónico.
Cada persoa beneficiarase dun bono de 100 euros, que poderá ser usado nun ou en varios establecementos ou axencias adheridas ao programa. A validez dos bonos estenderase ata o 25 de decembro de 2023 e desde a data fixada para a súa descarga, salvo esgotamento previo do seu saldo.
Prazo de solicitude dos bonos: dende as 9:00 horas do día 27 de outubro ata o 15 de decembro de 2023.
