COMUNICADO A PROPÓSITO DA VAGA DE INCENDIOS EN GALICIA, PROVINCIA DE OURENSE E COMARCA DA LIMIA
O Concello de Sandiás expresa a súa solidariedade con todos os veciños, veciñas e comunidades urbanas e rurais afectadas polos lumes que están a asolar a nosa provincia e comarca da Limia, causando danos moi importantes que afectan a vida das persoas, ao medio ambiente e a obxectos materiais.
Fago unha chamada á responsabilidade da veciñanza para que se tomen precaucións e tamén fago un chamado a quen teña disponibilidade para colaborar onde sexa necesario pero sempre en coordinación coas indicacións das autoridades competentes.
O noso Concello de Sandiás atópase como moitos outros en alerta permanente e tamén está a prestar axuda alí onde se nos solicita a través das Brigadas contra Incendios. Prego aos veciños e veciñas que ante calquera sinal de lume ou situación sospeitosa, se comunique de inmediato a través dos seguintes teléfonos: 112 (emerxencias) 085 (incendios forestais) e 988 4650 01 (Protección Civil de Sandiás).
Moitas grazas.
Felipe Traveso García
Alcalde do Concello de Sandiás
