Entre outras actividades, podemos destacar os Xogos de Auga para levar mellor as temperaturas tan elevadas destes días, os Xogos de Interpretación, xogos tradicionais (birlos, petanca, truco), xogos de cadeiras e limbo, xogos de mesa (Tivial, Party&Co) e outros moitos.
Tamén se puxo a disposición dos cativos e cativas unha caixa de correos de mensaxes.
Por último visitouse a biblioteca e iniciouse a aventura sobre o recente libro publicado de Rafael Laso, A revolta da Lagoa, ambientado na desecada Lagoa de Antela. Esta actividade ten como finalidade a dramatización teatral, a sensibilización ambiental da nosa contorna próxima e motivar o gusto pola lectura. De momento, realízanse lectura dramatizadas en voz alta dos capítulos do libro e levou a cabo un taller de barro (concurso de esculturas de libro).
