O sábado 17 de maio, o Concello de Sandiás inaugurará las redes sociais os múltiples actos preparados co gallo da homenaxe das Letras Galegas 2025 ás creadoras e transmisoras da poesía popular oral cun cartaz acompañado dunha declaración institucional da Fegamp que foi aprobada na súa última reunión e que se extenderán ao longo do mes de maio, xuño e agosto. O concello celebra que a Real Academia Galega acordase dedicar o Día das Letras ás cantareiras, personificándoo nos nomes de seis delas e aproveita tamén para adicar este tempo sinalado aos xéneros orais en especial aos narrativos (lendas, contos, memoria toponímica dos lugares, xeografía mítica da Lagoa de Antela), a oralidade poética e musicada (poemas musicados e música de raíz tradicional galega (concerto).
Una programación con nove actividades de eloxio a oralidade a través da escoita, da recitación, de contar e cantar. Neste sentido, Galiza conta cun xeito único de narrar que recoñecemos en calquera lugar onde se conte ou cante unha historia. As primeiras actividades serán varios obradoiros. O primeiro “As cantareiras e os instrumentos tradicionais” levarase a cabo no PAI de Sandiás para os máis cativos pondo a disposición instrumentos tradicionais para manipulalos e tocalos. O segundo obradoiro “Educación vocal, recollida de música popular e cantigas populares” será para todos os públicos na Casa de Cultura de Sandiás o 17 de Maio. Está organizado pola Furgoteca e traballarase a educación vocal e as cantigas populares. O terceiro obradoiro “De Rosalía ata as cantareiras. As mulleres nas letras” da fábrica A Xanela do Maxin terá lugar o 20 de maio no PAI e no CEIP de Sandiás. Nel combinase narración oral, música, obxectos e novas tecnoloxías. O cuarto obradoiro “Mulleres, ritmo e tradición” de Sabela Olivares vén organizado da man da Rede de Dinamización Lingüística.
O concello tamén quixo aproveitar para traballar os xéneros orais narrativos en torno a oralidade fantástica e a memoria oral dos lugares. A través das Visitas guiadas a Exposición Permanente do Centro de Interpretación da Lagoa de Antela na primaveira e no verán trataráse coas lendas e contos da Lagoa de Antela, a sua xeografía mitica, co folckore recollido en Sandiás por Urbano Santana e coa recuperación da memorial oral dos lugares (a microtoponímia) ou tamén chamados na nosa zona “chamadoiros”. Axudarán nesta tarefa as Xornadas de Toponímia en Sandiás a cargo de Vicente Feijoo que coordina o programa Toponimízate a través da plataforma Galicia Nomeada e nas que colabora a Secretaría Xeral de Política Lingüística en colaboración coa Real Academia Galega.
Por último, a oralidade poética e musicada limiá contará coa exposición da escritora e pintora Rochi Nóvoa de Sobradelo (Xunqueria de Ambía) que se inaugurará o 21 de Xuño, sábado na casa da Cultura de Sandiás. A exposición compartida co artista plástico Xosé Eladio terá un fermoso complemento cun recital poético-musical.
O patrimonio oral musicado completase no mes de agosto co concerto de música de raíz na maravillosa paisaxe da Torre do Castro por parte do grupo “Abril Trio”.
