Os concellos impulsan Galicia
O 25 de xullo celebramos o Día de Galicia, unha data que nos convida a reflexionar sobre a nosa identidade, a nosa lingua, a nosa cultura e o noso territorio.
Desde o Concello de Sandiás queremos sumarnos a esta conmemoración poñendo en valor o noso patrimonio natural, histórico e cultural, que forma parte da esencia de Galicia.
Tamén queremos salientar seguindo as indicacións da FEGAMP o papel dos concellos no desenvolvemento das políticas públicas que impulsan Galicia, contribuíndo ao seu desenvolvemento económico e social que busca mellorar as condicións de vida e de traballo da cidadanía galega.
Feliz Día de Galicia a todas e todos!
