A «Biblioteca da Lagoa» do Centro de Interpretación da Lagoa de Antela do Concello de Sandiás, recibe como doazón por parte do #musarqourense 20 libros que conteñen relevantes artigos de #investigación sobre a Lagoa de Antela.
Con eles podemos aproximarnos a estudosos como #CondeValvís, #TaboadaChivite, #FlorentinoCuevillas, #MarceloMacias, #FerroCouselo, a especialista en arquivos #OlgaGallego, o antropólogo #ManuelMandianes, #VegaPato, #ElixioRivas, #YolandaBarriocanal e outr@s que fixeron importantes achegas ao coñecemento da Lagoa de Antela e a súa contorna.
Estes estudos estarán dispoñibles para todas aquelas persoas que queiran indagar nos diferentes aspectos da Lagoa de Antela e do patrimonio da súa contorna. Da mesma maneira contribuirán a #enriquecer o #discursodidáctico das visitas guiadas que se realizan á exposición permanente sobre a Lagoa de Antela.
Agradecemos a #doazón ao museo, unha mostra de xenerosidade e do servizo en favor dá #potenciación dos #recursos do mundo rural.