A terceira das actividades que se desenvolveu no marco da exposición “Cadernos da Limia: Paisaxe, Identidade e Memoria” do fotógrafo Blas González levada a cabo o pasado sábado, 16 de Decembro no Salón de Actos do Concello de Sandiás, tivo como protagonistas ao arquivo fotográfico da comarca da Limia de máis de 25.000 fotografías e a Edelmiro Martínez Cerredelo que nos serviu de vehículo para coñecer os rasgos da identidade social limiá.
Grazas ás 32 personas que participaron no acto.
O historiador limiao, recoñecido autor de varios libros e publicacións centradas na memoria da Comarca de Limia e concretamente de Xinzo, adicou anos a compilar miles de fotografías procedentes de diversos álbums familiares nun arquivo baixo o título “Vellas fotografías, vellas historias” e que se revelan como nutritivas fontes da memoria colectiva. Na charla fixo difusión destas imaxe omplementadas con detallados comentarios que lanzaron luz sobre os personaxes e as circunstancias capturadas en cada instantánea. Neste senso, presentou unha ampla serie sobre festas profanas coma o entroido coas pantallas orixinais e vestimentas artesanais e tamén a festa de San Cristóbal, patrono dos automobilistas, serie de festas relixiosas como a Semana Santa, a festa do Corpus ou de Santa Mariña pondo de relieve os típicos sermóns ameazando co medo ao inferno e a morrer en pecado portal; algunhas instantáneas sobre o urbanismo daquela época coa maioría das casas con baixos ou unha soa pranta. Pasou revista as toureadas e as costumes castelanizadas, afición que proviña da emigración de casteláns a vila. Destacou a festa da Saínza na que participaba moita xente de Xinzo e da que destacou a vestimenta de traxe, a comida e o mantén no chan das praderías. Cerrou a súa narrativa cunha serie sobre automóviles, motos e bicicletas. Destacou alcumes como “o queima gasolinas” o camión Perkins, a primeira vespa, as motos Guzzi italianas, os diferentes tipos de bicicletas e os motocarros.
Esta actividade, ademais de recoñecer o esforzo e compromiso persoal de Edelmiro, quere poñer en valor a importancia da memoria visual colectiva e a necesidade de “axitar o arquivo fotográfico” para resignificarlo e manter vivo o relato no que se fundamenta a identidade dun pobo.
.
