A Casa da Cultura de Sandiás acolleu na tarde deste luns 3 de Agosto o obradoiro «Comunícate con seguridade: expresión oral e confianza en público», unha iniciativa que reuniu a persoas interesadas en mellorar as súas habilidades comunicativas e gañar confianza á hora de falar diante doutras persoas. Estivo animado por Laura Seara Sobrado de Red Talento Consultoras.
Ao longo da sesión, as persoas participantes aprenderon e puxeron en práctica diferentes técnicas para expresarse con maior claridade, comunicar as súas ideas con seguridade e afrontar con máis tranquilidade intervencións en público. O obradoiro desenvolveuse nun ambiente participativo e dinámico, no que se favoreceron a práctica, a interacción e o intercambio de experiencias entre as asistentes.
Esta actividade gratuíta celebrouse na Casa da Cultura de Sandiás no marco do #Programa #Rosalía, unha iniciativa que impulsa accións formativas e de sensibilización destinadas a promover o desenvolvemento persoal, a participación social e o fortalecemento das competencias da cidadanía.
