O pasado mércores 30 de Outubro pola mañá o Punto de Atención Infantil (PAI) e o CEIP de Sandiás celebraron conxuntamente a Festa do Outono. Fixeron un roteiro pola aldea de Sandiás cuns disfraces fantásticos acompañados de educadores e familias e gozando co “Truco ou Trato” visitando casas e outros establecementos na procura de lambetadas.
Tamén decoraron os interiores do centro educativo do CEIP coa axuda das familias sobre o outono e o Samaín. Con moita atención os nenos e nenas do CEIP gozaron da película «Coco» inspirada na tradición do día dos Defuntos, e aborda o recordo dos nosos seres queridos tras o seu falecemento.
Pecharon a xornada festiva cunha rica comida e rica sobremesa ademais de xogos.
