Actuación tractor desbrozadora do Concello
Dende o mes de maio ten actuado o tractor desbrozadora do Concello de Sandiás realizando desbroces preventivos de cunetas de estradas secundarias próximas e afastadas dos núcleos de poboación por todo o concello. Ten actuado neste mes nas zonas de Vilariño das Poldras e arredores, zona da aldea de Arcos, Cardeita, Lavandeira, As Pegas, O Tesiño, área ao redor da Torre do Castro, ao carón da Igrexa de Santo Estevo, zona da Depuradora de Sandiás, estrada en dirección a aldea de A Fontela, dende a aldea de Cardeita ata o Canal da Lagoa, Santa Ana, área dende o Novaiño ata aldea da Ladeira, estrada dende a aldea de Piñeira de Arcos ata a aldea da Corga, estrada da Corga a Bustelo, tres entradas na aldea de Zadagós, da Chousela a Zadagós, Fonte do Forno en Couso, camiños aos depósitos de Piñeira de Arcos e Novaíño. Nos próximos días continuará co resto das zonas pendentes de limpeza.
Limpeza da contorna das casas e das áreas de biomasa da contorna das aldeas
Respecto a limpeza na contorna das vivendas compre lembrar que a Lei 3/2007 do 9 de abril de prevención e defensa contra incendios forestais de Galicia, establece faixas e perímetros de protección de 50 metros. A Lei de Incendios obriga aos propietarios/as á limpeza de terreos e fincas comprendidas neste perímetro de 50 metros desde edificacións e vivendas.
O prazo de realización das limpezas estenderase ata o 31 de maio de 2024, inclusive.
Polo tanto recordámoslle e animamos a veciñanza a obriga legal da limpeza das fincas e terreos e cumprir coas medidas de prevención de incendios. Compre seguir crecendo en sensibilidade na limpeza e roza das áreas de biomasa da contorna dous núcleos de poboación tanto nas parroquias non priorizadas como na priorizada (Santo Estevo de Sandiás).
Deixámosvos un amplo álbum de fotos.
