O proxecto supuxo a construción dunha senda peonil na marxe dereita que xa ven facilitando dende hai uns meses o desprazamento de persoas dun xeito cómodo, seguro e accesible, nunha vía de intensidade media de circulación de vehículos e persoas. Son infraestruturas de mobilidade sostible, saudable e segura que inciden positivamente no día a día dos veciños e peregrinos, ao facilitar os seus desprazamentos cotiáns aos distintos equipamentos e servizos.
A Axencia Turismo de Galicia (Xacobeo) que financiou o proxecto finalizou os traballos de renovación do Camiño de Santiago ao seu paso pola parroquia de Piñeira de Arcos (Concello de Sandiás), concretamente dende o cruce da estrada Nacional 525 ata San Salvador dos Penedos (Allariz) no que corresponde ao concello.
O pavimento dotouse de tratamento especial con cor propia ao tramo de uso de vehículos con elementos como zahorra estabilizada, cunetas triangulares transitables, suministro e montaxe de arquetas, bordillos rectos de granito gris, creación de pavimento de entrada a fincas, colectores de pluviais, etc.
A empresa adxudicataria que levou a cabo as obras foi EXPLOTACIÓNS MEDIOAMBIENTAIS. S.L.
