Hoxe, mércores 2 de xullo, ás 18.00 h na Casa da Cultura de Sandiás, tedes unha nova cita co Programa Rosalía, un espazo de encontro, reflexión e aprendizaxe dirixido ás mulleres da comarca.
Nesta sesión abordaremos o tema do empoderamento feminino, coa vontade de desexar e construír xuntas un pobo máis seguro para as mulleres. Un paso máis cara á igualdade real, ao respecto e á autonomía persoal e colectiva.
O Concello de Sandiás continúa apostando por iniciativas que fortalecen o papel das mulleres no rural e promoven unha sociedade máis xusta e igualitaria.