O Concello de Sandiás iniciou a comezos de Xullo unha nova edición do campamento “Concilia 2024” para este verán. Todas estas as actividades serán desenvolvidas dende o 1 de Xullo ata o 30 de Agosto, en horario de 9.00 h- 14.00 h. A sede é o Polideportivo Campo S. Nicolás e o Ceip de Sandiás. Dende as 8.30 estanse a deixar os nenos e as nenas e pódense recoller polos seus familiares ás 14.30 h. En quendas están rexistrados 37 nenos e nenas.
En concreto, na segunda quincena de Xullo, algunhas das actividades que se mostran no álbum de fotografías son: como non podía ser menos os nenos e nenas estiveron moi atentos á Eurocopa e gozaron co triunfo de España, xornadas refrescantes na piscina, celebración de festa de aniversarios, xogo de marionetas, xogo do brilé, xogo do zapato da sorte, contacontos, entre outras…
Trátase dun programa didáctico de múltiples actividades de tempo libre e de promoción cultural destinado a poboación infantil e xuvenil durante dous meses de verán que ten como finalidade favorecer a conciliación familiar, unha vida saudable e posibilitar a aprendizaxe dun lecer activo. A organización das actividades cada día da semana viran ao redor dunha riqueza moi ampla de temáticas: actividades de acollida, xogos de distensión, coreografías, xogos populares, escape room, excursión, contacontos, actividades relacionadas co consumo responsable, manualidades, globoflexia, malabares, karaoke, xogos cooperativos, música e baile e actividades de despedida.
Atelier Social pon a disposición persoal coa formación requerida na convocatoria e para o correcto desenvolvemento das actividades así como materiais didácticos e equipamento necesario.
