Unha primeira subvención directa foi destinada a AMPA (Asociación de Pais e Nais de Alumn@s San Nicolás) do CEIP de Sandiás co proxecto de actividade: servizo de atención temperá no CEIP de Sandiás por unha cantidade de 3200 euros. Neste senso, o concello continúa coa súa política social destinada a favorecer o máis posible a conciliación da vida familiar e laboral dos pais/nais dos alumnos/as.
Unha segunda subvención para o curso 2023-2024 vai destinada a unha axuda ás familias para a compra de libros de texto para os nenos e nenas do CEIP de Sandiás. Vinte e oito alumnos e alumnas do centro víronse beneficiados da concesión de dita axuda por un importe de 1400 euros. Esta axuda sitúase no contexto de favorecer medidas no ámbito socio-económico en relación coas familias.
