Unha primeira subvención foi destinada a ANPA (Asociación de Nais e Pais de Alumnado San Nicolás) do CEIP de Sandiás, co proxecto de actividade de servizo de atención temperá no CEIP de Sandiás, por unha cantidade de 3.200 euros. Neste senso, o Concello continúa coa súa política social destinada a favorecer a conciliación da vida familiar e laboral dos pais e nais do alumnado.
Unha segunda subvención para o curso 2024/2025 vai destinada a unha axuda ás familias para a compra de libros de texto para os nenos e nenas do CEIP de Sandiás. Vinte e cinco alumnos e alumnas do centro beneficiáronse desta axuda, cun importe total de 1.250 euros. Esta axuda enmárcase dentro das medidas socioeconómicas a favor das familias.
