O Concello de Sandiás celebrará o vindeiro venres 8 de maio, ás 20.30 horas, no Salón de Actos da Casa da Cultura de Sandiás, a I Xornada Informativa sobre xestión da biodiversidade vexetal, unha iniciativa enmarcada dentro do programa “Aldeas Seguras”.
A xornada abordará cuestións fundamentais relacionadas coa limpeza e xestión das faixas de protección arredor das vivendas, coa finalidade de mellorar a prevención de incendios, protexer ás persoas e contribuír ao coidado da contorna natural.
Durante a sesión explicaranse aspectos como as obrigas de limpeza, os prazos establecidos pola normativa, as responsabilidades da veciñanza e do Concello, así como as medidas preventivas e actuacións previstas ante posibles incumprimentos.
Ademais, tamén se tratarán cuestións relacionadas coa seguridade, a salubridade pública, a protección da biodiversidade e a organización dos traballos de limpeza nas zonas de maior perigosidade.
A xornada contará coa participación de:
- Fernando Gándara, presidente de Protección Civil de Sandiás
- Tomás Báez, bombeiro forestal
- Felipe Traveso, alcalde do Concello de Sandiás
- José Manuel Gómez “Cazolas”, presidente da Comunidade de Montes Veciñais en Man Común de Piñeira de Arcos
Ao remate abrirase unha quenda de rogos e preguntas para resolver dúbidas da veciñanza.
📅 Venres, 8 de maio
🕣 20.30 h
📍 Salón de Actos da Casa da Cultura de Sandiás
