Grazas ás 11 persoas que participaron o martes 2 de Setembro no Obradoiro sobre “Mindfundes como aliado. Benestar emocional” animado por Carmen Rodríguez. O obradoiro desenvolveuse durante case dúas horas cun intercambio enriquecedor.
No obradoiro consistente nunha terapia a través da meditación fíxose un achegamento a como descubrir outro xeito de entender e integrar o estrés, a ansiedade, a enfermidade o sufrimento… a través da observación e da atención plena fomentando o autocoidado e a autocompaixón e axudando a xestionar as emocións. Houbo unha parte teórica e outra práctica.
O Mindfulness, estar no aquí e no agora, permite que te observes a ti e que vexas ao resto das persoas cun maior nivel de comprensión e compaixón. Un maior nivel de conciencia sempre vai acompañado dun maior nivel de compaixón. Para axudar a ter un maior nivel de conciencia da verdadeira esencia do Ser, a meditación entendida como introspección é imprescindible para coidarse e recargar enerxías.
O Programa Rosalia desenvólvese nos concellos de Sandiás, Concello de Xunqueira de Ambía Rairiz de Veiga e Concello de Vilar de Barrio. Para todas as mulleres da Comarca da Limia!.
