Unha experiencia preciosa na Abelliña azul. O Mel da Inés. A xornada comezou cun conta-contos. Máis tarde no tendal, os participantes seguiron con atención as explicacións sobre as abellas, o mel, o pole e o funcionamento das colmeas. Tamén tiveron ocasión de observar de preto a cera e realizar unha degustación de diferentes meles. Fixeron unha pausa para a merenda e comezaron a investigar o bosque autóctono galego acompañando a experiencia coa visita ás colmeas. Os peques e familiares gozaron dun día cheo de descubrimientos.
A experiencia tivo como obxectivo reconectar coa natureza, achegar as novas xeracións ao fascinante mundo das abellas, fomentar o respecto polo bosque autóctono e reforzar os valores de cooperación como nunha colmea. Agradecerlle a Inés o agarimo co que nos recibiu, paciencia e hospitalidad e, unhas instalacións fermosas e acolledoras.
Unha experiencia de aprendizaxe vivencia con traxes apícolas adaptados, enfoque lúdico-didáctico cheo de xogos, manualidades e degustacións.
