- Horario: xoves, 25 de abril de 18.00 h- 20.00 h. O grupo decidirá cal será o horario fixo.
- Lugar: Local Social do Concello de Sandiás.
Inscrición ata o 25 de Abril no teléfono do Concello: 988 46 50 01
Un espazo de calma no que guiad@s por Geni Losada os participantes porán a proba a súa iniciativa e creatividade cos seus proxectos de patronaxe e confección.
O obradoiro ten como finalidade lograr dominar o trazado dos patróns, o corte das pezas e controlar o uso das ferramentas de costura máis importantes. Tamén adaptar modelos segundo as tallas e aprender a realizar todo tipo de arranxos e modernización de pezas.
A práctica da costura ten tamén efectos moi beneficiosos para a persoa pois obriga a desenvolver capacidades cognitivas variadas para a súa realización. Por exemplo, fomenta a orientación no tempo e no espazo e a súa vez traballa a resolución creativa de problemas que se presentan coas pezas, a atención e a concentración na tarefa.
De seguro que pronto nos ensinarán as primeiras pezas creadas.