Grazas as 15 veciñas que participaron no obradoiro sobre saúde mental que tivo lugar o pasado luns 22 de xullo ás 18.00 h no salón de actos do Concello de Sandiás.
Ante unha sociedade moi marcada polo estrés, a ansiedade, o sufrimento, a depresión… o autocuidado e a necesidade dunha boa rede social de comunicación son claves para mellorar o benestar emocional e mental. O obradoiro foi impartido pola psicóloga do Programa Rosalía, Bea García-Valdecasas. Preto de dúas horas reflexionando sobre a saúde mental das mulleres e compartindo opinións e experiencias sobre como se valoran a se mesmas e a influencia da saúde mental na saúde física.
O Programa Rosalia desenvólvese nos concellos de Sandiás, Concello de Xunqueira de Ambía Rairiz de Veiga e Concello de Vilar de Barrio. Para todas as mulleres da Comarca da Limia!.
