Información sobre outras melloras e iniciativas menores pero non por iso menos importantes nas que estiveron traballando #instituciónspúblicas a demanda do Concello e outras nas que estivo implicado o propio #Concello ao longo da primaveira e do comezo do verán. Algunhas das máis significativas:
- Arranxo de varias pistas na zona das Areeiras
- O libro publicado polo concello “Sandiás, a Lagoa de Antela e Nós do autor Alexander de los Ríos xa foi cedido a Furgoteca e xa forma parte do catálogo das bibliotecas públicas. Neste momento o libro xa está a disposición de todos os lectores da zona sur occidental de Ourense.
- Instalación doutro cubrecontenedores na aldea de Sandiás.
- A Deputación Provincial coloca paneis explicativos nos cubrecontenedores a propósito do programa “Cooperando cos concellos”. Explican de xeito breve pero claro como reciclar mellor e mellorar a separación de residuos. Levan como complemento un código QR que permite ampliar información dende o móvil.
- Reunión de organización do Obradoiro de Costura animado por Geni Losada. Este ano desenvolverase o obradoiro en dous grupos de traballo.
- Restauración da totalidade do tellado do Observatorio 1 das Areeiras (Palafito) deteriorado totalmente por as intensas chuvias pasadas e o forte vento. Levou a cabo os traballos o Obradoiro conxunto Sandiás-Xinzo co asesoramento técnico de patrimonio. Aproveitouse para limpar tamén outras zonas ao carón de paneis interpretativos.
- A Deputación está a implementar contadores intelixentes como parte dun proxecto para dixitalizar o ciclo da auga e mellorar a eficiencia dos servizos hidráulicos na provincia. Este proxecto, chamado «OU-intelixente», ten como obxectivo colocar máis de 65.000 contadores intelixentes en 81 concellos, entre eles o Concello de Sandiás.
- Aprobación no último pleno do Regulamento de honras e distincións do Concello de Sandiás.
- Aprobación no último pleno da solicitude de dedicación do Día das Letras Galegas do ano 2026 a Antón Tovar Bovillo.
- Aprobación no último pleno do compromiso por parte do Concello de Sandiás de conservación dos canais secundarios de titularidade municipal tras actuación de limpeza coordinadas pola Xunta de Galicia.
- Aprobación no último pleno de ratificación do decreto de aprobación de convenio amianto.
- Aprobación no último pleno da ratificación do decreto subscrición convenio prevención de incendios.
- Álbum de fotos sobre a evolución das obras de peche do Pavillón polideportivo.
