Sandiás, 24 de xullo. Efectivos de Protección Civil de Sandiás interviñeron na noite deste venres, ás 22:50 horas, nun accidente de tráfico provocado pola irrupción dun corzo na estrada, na coñecida recta de Piñeira, entre o restaurante Novaiño e Piñeira de Arcos.
Segundo a información facilitada, o sinistro produciuse tras o impacto do vehículo co animal. A rápida actuación dos servizos de emerxencia permitiu asegurar a zona e prestar a asistencia necesaria.
Afortunadamente, o accidente saldouse sen danos persoais, polo que non foi preciso atender a ningún ferido. O incidente quedou resolto tras a intervención de Protección Civil, restablecéndose a normalidade na vía.
