As 33 novas luminaria dos farois de iluminación pública no Campo de San Nicolás e Rúa das Pegas da aldea de Sandiás completan aínda máis a renovación da iluminación acometida desde hai dous anos en todos os núcleos de poboación do concello. As obras realízanse cun orzamento de 43.796 euros. Operarios especializados pertencentes a empresa ELYTE XINZO SL levan a cabo vos traballos de instalación.
As actuacións pretenden mellorar a seguridade das instalacións mediante a colocación de tomas de terra das que non dispuña a instalación na súa totalidade, reducir substancialmente o consumo enerxético, mellorar os parámetros de iluminación, mellorar a eficiencia enerxética e lograr unha mellora en sustentabilidade ambiental mediante a redución de emisións de gases de efecto invernadoiro, aforro económico significativo que se poderá destinar a outros proxectos sociais e servizos do concello, reducir a contaminación lumínica e, en definitiva, mellorar as condicións de vida das persoas residentes nas devanditas zonas.
