O Concello de Sandiás presenta a programación para o Outono-Inverno Culturais 2022-2023. O Concello organiza vinte e tres actividades de distinta natureza entre os meses de outono e inverno para toda a familia. No marco desta programación cultural, terán lugar:
- Actividades de educación ambiental
- Actividades culturais e educativas
- Exposicións temporais
- Actividades formativas
- Excursións
- Campañas e inauguracións
- Conmemoracións
- Programa do Nadal
- Concerto de Nadal
- Charlas
- Clube de lectura e presentación de libros
- Visita dos Reis Magos e Cantar de Reis
Todas estas actividades foron presentadas polo alcalde Felipe Traveso e o concelleiro de cultura, Pepe Gándara, acompañados doutros membros da corporación. O equipo de goberno desexa que o plan variado de actividades, onde intentan estar presentes intereses diversos e idades diferentes, sexa do interese dos veciños e veciñas, nenos, xóvenes e adultos. Así mesmo, invita aos veciños e veciñas a participar e implicarse nos actos programados.
Para máis información e inscrición nas actividades convén prestar atención ao cartaz xeral de actividades e a cartelería específica adicada a cada unha delas, que se publicará ao longo dos próximos meses.
